今晚自己下廚：雜錦撈烏冬

每當我諗唔到煮咩餸時，

一個雜錦鍋／雜錦湯／雜錦撈麵、烏冬就會出現喇！

所以，今晚自己下廚：雜錦撈烏冬。

材料包括昨晚在越來越愛吃火鍋剩下的兩件肥牛、一件腩肉。還有：豬腰、蟹柳、煎蛋、芋絲扎及西洋菜，加一個烏冬，正！

西洋菜唔夠裝，另碗上，加少少辣椒豉油，正

大躍進的血糖＋慶祝@彩園漢和

 從未試過咁開心！

每三個月一次的內科覆診又來了，每次到這個時候，都是最擔驚受怕，因為驚會否有癌症或其他的病（雖然明知會無事，因為如果一有事，醫生必定會即日通知的），但都是擔心的，擔心血糖值又再一次升高，又被醫生責罵？）

感謝神！覆診結果是～6.4🎊🎊🎊🎊合格了，降低0.8度（上次是7.2度），合格了！是我從三月開始，隔一天飲蘋果醋及戒口的結果！

和媽媽去彩園漢和好好慶祝一番！明天開始又要努力喇！

事情⋯ 估都估唔到

有些事情，真是⋯ 估都估唔到

今日是每三個月內科復診的日子。坦白講，自從二十年前知道自己輸卵管生了個大水瘤，要開刀割後，我已經好怕去看醫生。再加上爸爸患癌離開，看回余綺霞的報道，就更加恐懼看醫生。加上最近吳孟達肝癌離世，我就更怕去看醫生復診。最怕的還有每次抽血要驗物驗乜，就更怕，怕要你再抽多次血就煩。

言歸正傳，看來我都是兇多吉少。上兩次因為唔理想（兩次都係8度），醫生當然唔鍾意，但我有什麼辦法？因為疫情關係脾氣一定發多啲，加上每個月女仕的問題，都會影響到血糖。而今次因為撞啱過年時候，一定會食很多年糕（幸好煎推油角唔鍾意食），一定不會好！

但，復診結果竟然理想～由8降至7.2，雖然跟理想（醫生）指定的還有點距離，但都是喜訊之一，感謝神。

晚飯和媽媽一起去大家樂慶祝，我打邊爐，媽媽吃楊州炒飯，明天又要開始減肥控制血糖！

炒飯只吃了一茶匙