今晚媽媽的晚餐：魚皮餃豬紅蝦子麵

由於昨日三姨丈終於離世，

個心由昨晚（應該是前晚）悶到依家，

好唔舒服，

因為來得太突然，

食什麼都無味！

唯有求其食。

昨日買咗盒魚皮餃，

今日去HK TV MALL取貨，

拿蝦子麵及金邊粉，

再去華明街市買了豬紅。

所以，今晚媽媽的晚餐：魚皮餃豬紅蝦子麵（豬紅和魚皮餃我自己淥）

而下午則弄清炒銀芽，正！

今晚自己下廚：青蘿蔔鮑魚仔豬肉湯米粉

今日靚湯～青蘿蔔鮑魚仔豬肉

鮑魚仔係上次媽媽的一個朋友張姨姨俾嘅，

D鮑魚仔出水後發得都好大隻，好好味。

所以，今晚自己下廚（湯底媽媽煲定，青蘿蔔我加上去）：青蘿蔔鮑魚仔豬肉米粉

青蘿蔔鮑魚仔豬肉米粉

材料：

鮑魚仔6隻

青蘿蔔1個

豬肉$1塊

做法：

 鮑魚仔出水備用；

豬肉出水切片備用；

米粉淥熟備用；

青蘿蔔去皮切件備用。

燒熱大鍋水，將所有材料放入煲內煲2個半小時，最後加鹽或素雞粉調味，然後倒進米粉便成。

今晚自己下廚：用媽媽弄的大白菜菜乾豬肺湯配烏冬煎蛋

今日又煲老火湯～大白菜菜乾豬肺湯，

此湯有好幾年都無食，

而所有材料都可以食埋，

配烏冬煎蛋，

正呀！

今晚自己下廚：用媽媽弄的大白菜菜乾豬肺湯配烏冬煎蛋

大白菜菜乾豬肺湯配烏冬煎蛋：

材料：

豬肺： 一個 

豬骨：適量

菜乾：一斤 

大白菜；一斤  

南北杏：少量

蛋：一隻蛋黃三隻蛋白（另兩隻蛋黃做代糖燉蛋）

烏冬一個

做法：

蛋煎成荷包蛋備用。

烏冬灼熟備用。

豬肺切件（買時可以直接叫豬肉佬切好）、回家洗淨，沖水，之後白鑊烘乾，備用。

豬骨洗淨，汆水，備用。

大白菜浸水洗淨，菜乾浸水去沙，洗淨切尾部。

南北杏、浸水洗淨，備用。

煲滾10-12碗水，放下所有材料（豬肺除外），大火煲半小時，再轉小火煲半小時。之後下豬肺，再煲1個半小時，之後轉大火加適量鹽調味，加在放有烏冬及煎蛋碗中，即成。

今晚自己下廚：青蘿蔔豬踭雞腳湯煎蛋出前一丁

今日又煲例湯，

青蘿蔔豬踭湯煎蛋出前一丁

啲煲出嚟啖湯好鮮甜啊！

所以，今晚自己下廚：青蘿蔔豬踭雞腳湯煎蛋出前一丁

青蘿蔔豬踭雞腳湯煎蛋出前一丁

材料：

 青蘿蔔：3個（兩中一細）

雞腳：六隻（我媽要食）

雞蛋：一隻

南北杏：1湯匙

出前一丁麵：一包（走味粉）

蔥粒：隨意

辣椒粒隨意

做法：

豬踭、雞腳出水後備用，

青蘿蔔刨皮切件備用，南北杏沖水備用，

水滾後，先把南北杏放在滾水中，之後將豬踭、雞腳放入煲內加入熱水煮熟，

另一邊把雞蛋煎成蛋餅，

再放水，把出前一丁麵煮淋，熄火。

碗內放進蔥粒及辣椒粒，然後把湯倒進碗內，加幾塊青蘿蔔，再把已煮熟的麵放進湯中，最後加蛋餅，

最後按個人口味落鹽、糖（糖尿病患者／減肥者可以選擇落少許、代糖或不落）調味便成。

今晚自己下廚：西洋菜湯、西蘭花苗炒牛肉及蒸水蛋

今日去街市本來買芥蘭苗，

但係買錯了西蘭花苗！

但她配牛肉竟絕配的！

簡單炒埋一碟，

買多斤西洋菜放埋昨晚的西洋菜湯裡，

加多一個蒸水蛋，

開飯喇！

所以，今晚自己下廚：西洋菜湯、西蘭花苗炒牛肉及蒸水蛋

西蘭花苗炒牛肉：

材料：

牛肉：1包

西蘭花苗：半斤

蒜頭：2粒

薑：1塊

酒：少許

糖：少許（糖尿病患者／減肥者可以落少少、放代糖或者不放）

做法:：

用自己喜歡的醃料醃牛柳肉1小時（如果不想醃的話可以去大型惠康買醃好的一包包牛肉，但千祈不要去百佳買。因為百佳賣的牛肉沒有落鬆肉粉，煮熟後會好老），西蘭花苗洗淨去花後瀝乾水份備用。

落薑蒜頭西蘭花苗炒至冧身，撈起備用，

燒熱油鑊落蒜頭，牛肉快炒至6成熟後再落西蘭花苗，

加少許糖1茶匙和酒（今次我用鹿根補酒）一湯匙快炒，便成。

今晚媽媽的晚餐：咸鴨腎西洋菜湯及蘿蔔炒魚鬆

好耐冇煲過西洋菜湯及弄蘿蔔炒肉鬆

所以，今晚媽媽的晚餐：咸鴨腎西洋菜湯及蘿蔔炒魚鬆。

咸鴨腎洋菜湯：

材料：

西洋菜1扎、瘦肉（大約20元）、咸鴨臂3個、薑兩塊。

做法：

西洋菜浸30分鐘，備用；

咸鴨腎清洗備用、

咸鴨腎浸軟後，在表面𠝹幾刀，放入鍋內加02碗水一齊煮滾後，然之後加薑片，跟著將所有材料放入煲內用大火煲滾後轉細火，煲1.5小時後，最後加鹽調味便成。

蘿蔔炒肉鬆

材料：

白蘿蔔一小個、

魚肉一斤

薑片：一塊

蔥段：隨意

鹽

糖（糖尿病患者／減肥者最好用代糖或不落）

做法:：

白蘿蔔去皮切條，加薑片煎香後加蘿蔔快炒至轉透明，撈起備用。然後把魚肉壓平煎魚餅後切條；再加回蘿蔔條煮滾腍後，加少許鹽和糖，落大量蔥段後即成。

這味餸是我爸爸生前最愛吃。

心得：

魚肉（鯪魚肉）我在祥華街市買，貪這兒的鯪魚肉是多蔥。最緊要是沒有落芫茜及果皮！