唔吉利的事件～又痾又嘔

講回唔吉利的事件，就是～又痾又嘔！幸好今次沒頭痛！

事緣因為昨晚食飯唔夠飽，唯有食多個出前一丁。到十點幾開始肚痛，去廁所才發現「女仔事」來，立刻穿安睡褲。但又開始作悶，立刻食止嘔丸（反胃藥）。到剛剛凌晨時便作嘔，跟著便痾！最後食了止暈藥幾粒喇叭牌正露丸，才沒事。

事後瞓前我向媽媽抱怨，因為三姨家的白事未過一百天，是不可以做節飯的，雖然只是普通食飯及未到正日食，但因為當日有食月餅，就已經是當做節飯。

激死！尸

又探醫生叔叔again

今早突然偏頭痛發作，痛醒了！已經吃過藥再瞓、但都止不到痛。結果要落樓下看醫生叔叔及打針喇！

在到診所等打針時遇到一件事令我好嬲，結尾時再講。

今次只是打針，不用拿藥。但就加價了，以往80元，但現在要100元。

講番我好嬲嘅事，就係在進入診所時，見到一個廢老不正確的戴口罩（拉低至下巴）。而進入診所後不久，有個太太同些姑娘講，話唔有輪椅入來，要姑娘幫手做啲什麼（詳細情節我都唔太記得），這時才發現那坐輪椅的人是她的丈夫。咁我就好心提提她，叫她替伯伯戴返好口罩才進來，因為這是診所，要規定戴口罩的。

誰知，那太太聽完後立即罵我，罵我咁驚就出去，叫我慳返啖氣等等。之後，她自己出去，準備「迎接」她丈夫進來，其他病人都呆了。而她推老公入來時，又不斷俾說話我聽，講什麼：「咁大個人，連戴口罩都唔識，太羞恥！」、「有些八婆什麼都驚！」

我好嬲呀！疫情現時反彈，每日都八、九千宗。平時係商場、大街見到有人唔戴口罩或不正確的戴口罩，我都「隻眼開隻眼閉」，無出聲，唔理㗎喇 （費事俾人罵！）！但這裡是診所！診所要戴口罩是常識（基本上什麼地方都要戴（除了自己家）），疫情反彈，點解還要包庇他？

所以我自己好嬲呀！

歡樂今宵的余綺霞again

 等了很久，又看到余綺霞所主持的《歡樂今宵》喇！但今次令我非常非常之憤怒，結尾時講。

講回令我非常非常之憤怒的事了。有沒有發覺這篇blog是星期三（今日）而不是上星期六（節目出街那天）更新呢？就是播到第39集及第40集時話「這個網頁無法正常運作

www.mytvsuper.com 將您重新遵向的次數過多。」這不單止，還自動登出，還要登出好多次！畫面不斷彈出「由於此賬戶已於新裝置登入，此裝置已被登出ISCHP01-

60071」

我火來了，因為，我交了差不多一千元會費，這公司竟然俾

啲咁嘅嘢人哋看！太過份！幾日沒有改善，最後要我媽媽打電話去MyTvsuper交涉，MyTvsuper才弄好節目，但登出仍有，不過已經大大減少！有時我在想，如果我唔係真係為咗看《歡樂今宵》及余綺霞的節目，我都唔會訂購MyTvsuper 及 MyTVgold！

又探醫生叔叔

由於這個垃圾林鄭的垃圾抗疫政策，及不聽教授的勸告，導致第五波疫情來了，而今次的葵涌邨有大爆發，又令我偏頭痛發作！

又要看醫生叔叔及打針！唉！

林鄭，恨透你！

狠心拋棄令我眼冤的袋

 今日出街時，媽媽話要把一些舊衫放到樓下的回收箱內。於是，我便終於狠心的把這個令我眼冤的袋放入回收箱😡😡😡😡😡

Emily，恨透你🔥🔥🔥🔥🔥🔥🔥😡😡😡😡

新袋

今早上午趕住上堂時發覺自己唔記得帶手機，因而令那巴渣妹說我故意唔看她的WhatsApp信息而在WhatsApp裡用粗口（仆街）罵我！故此，我決定反面！

越想越氣，由剛好去屯門交收CD，眼見吉之島在就近（吉之島做緊開學展，有書包買。）於是便把我的袋丟掉（我現在揹的袋是她陪我買的），唔想再見到這個袋，並且買過個新的。

左揀右揀，決定買SPI！因為由細揹到大，況且是淨色，沒卡通圖案，不錯。另外一個買的因素是其他的袋實在太貴，（本來我想買另一個牌子，皆因佢這魔幻色好靚），而這款都貴的，不過六百七十元，以八折優惠五百三十五元買咗（其他牌子很貴，最貴都要九百幾！）

新袋

舊袋

其實我想買這款，不過好貴（900幾！）所以留到26號才買吧。希望可以揹到吧。

巴渣妹惡行

呢個Emily，令我都唔想稱呼佢做Emily，要叫佢做巴渣妹囉！

話說，我今天早上，參加了西洋書法班。但坐的士去上課地點才發現留漏了手機在家，咁見只上一個鐘，所以便諗住上完堂才回家拿。

誰知回到家，拿手機時，才發覺她找過我，佢在WhatsApp’s 問我為何十問九唔應，又用粗口（仆街）話我！

之後想打電話給她解釋時，又唔聽我電話！後來更發現佢block咗我，更在甄詠珊、丁悅、施匡翹及李璧琦的WhatsApps群組block了我，完全唔俾人解釋！咁我唔回應她一定有原因，況且，今次都只係第一次（平時佢有時都唔回應）！或者我未起身呢（我夜晚瞓覺唔熄機嘅）！

好！既然是這樣的話，一於就絕交反面吧！平時佢怎樣橫蠻但都忍佢喇，唔想將來真的絕交時，去一些無線的劇集、節目宣傳活動要和一些港姐／明星合照時大家會面阻阻！而今次我要和她絕交（她還未知我要和她絕交，估計她已經和我反面了！），是因為她真是實在太過份。佢次次見面不斷在我面前用粗口數陳庭欣不是就可以（因為佢話有次送咗隻大公仔給陳庭欣，但陳庭欣唔領情，仲話：「又係公仔？」，所以令佢好嬲），但我前日同其他人講話好想王卓淇快啲返港（因為香港疫情第三波爆得好嚴重，王卓淇和姨姨上咗深圳避疫（果時內地的疫情沒有香港這麼嚴重）要等到香港再次通關，她們才回港，現在只可以在抖音內見面），佢聽見就立刻大聲咁話：「唔好成日講王卓淇，好煩！佢地落嚟就自然會落嚟！」我心想：嘩，你都好霸道啫，你成日講陳庭欣（每次我陪佢去街佢都講嘅！）就得，我講王卓淇就唔得，我都未出過一次聲。未話過你煩！

罪証仲有好多：經常晒命，話佢後父好有錢，經常俾很多錢佢使，又有張附屬咭俾佢係咁碌！（有次為了現在一隊好紅的什麼mirror 裡的姜濤為Gucci代言的一個腰包，在銅鑼灣的SOGO用一萬元買了下來）。有次佢無端端要我陪佢去長洲食海鮮，我話唔去，因為阿媽唔俾，佢就在Fb、ig block咗我，又要叫高手在郭千瑜的Fansclub群組移除了我；有時隔幾日要我陪佢食嘢，有次食咗我差不多三百元（雖然AA制，但都十分之肉赤，幾乎被阿媽鬧！）！又經常迫我聞佢嘅二手煙！前陣子電子消費券來了，話和我食餐好嘅，去到就要我俾返自己果份。一定要我立刻出來陪佢，唔陪就俾說話我聽（佢果份電子消費券差唔多用晒，後父唔俾錢佢，所以心情差要我立即出來陪佢！）。啱啱過去的星期六，歌手丁悅在中環海濱活動空間有活動，而丁悅剛好有兩場嘅（一場4:00至4:30、一場6:45至7:15），因為太夜，我只答應看第一場，誰知，那巴渣妹話全場得我們兩個女粉絲，叫我陪佢到最後，她說因為當中有個男粉絲會合照會對丁悅怍出不軌的動作。我已經說走的時候太夜，阿媽會掛心但她仍堅持，鍥而不捨的，最後，在大家分開食小食時，靈機一觸，說阿媽唔舒服，我先可以鬆身！有次仲好笑，她為了買那本姜濤定什麼人做封面的雜誌，要我陪她買，因為買唔到，走遍整個油尖旺，由尖沙咀碼頭行返去旺角！所以，我以後都唔想再見到這巴渣妹！

即時她再yea我做返朋友，我都唔會再理佢！

無同情心的無線節目監製

 MyTvsuper又有余綺霞的節目上架，節目叫做：《親親媽咪愛心大喜宴》。不過，余綺霞是被提及的。

而我覺得這節目監製非常無腦，簡直是一啲同情心都無。

原來，節目的尾段，請了余綺霞的媽媽上來做壓軸嘉賓。本來是沒有問題的，但不是訪問余媽媽，是噓寒問暖的，只問了一句：「霞女（佢地叫余綺霞做霞女嘅）唔係度半年，你過得怎麼樣？」

吓，咁都得？根本余綺霞受傷、患癌及離世都是你們一手一腳搞成的！仲好意思咁問人哋過得怎麼樣？為何不問余綺霞這五年，余媽媽怎去照顧好女兒仲好！我真係唔明白為何余媽媽會答應上這個節目？俾著我係余媽媽就一定唔上㗎嘞！

另外，最激氣不是佢地的問題。是竟然叫余媽媽切蛋糕慶祝母親節！過份！余綺霞是因為你們一手一腳令到余媽媽過一個沒有女兒的母親節的！竟然一啲同情心都沒有？是否慶祝余媽媽首個沒有女兒在旁邊的母親節？

在余媽媽後面的幾個歌手都黑面了。

而這個節目有關圖片，是我2017年在余綺霞的家姐的Facebook無意中發現，當時我見到已經好嬲㗎嘞，現在看到這個節目，就更加嬲！

當每一次看見有人在電視節目、電台、報章、雜誌裡提及有關余綺霞的事，總是覺得她很可憐，都係那句喇：縱使我不是余綺霞的粉絲，（余綺霞發生車禍時我只有九歲，而她離世時我只有十四歲），但我是看著她做的《歡樂今宵》長大的啊！

垃圾的Weshare Blog平台，永不錄用！

自從我媽媽零六年九月跌斷膝蓋骨後，我便開始有寫blog的習慣，紀錄媽媽受傷時的情況及我當時的感受。而如無意外的應該Weshare Blog是我一第個寫Blog的平台，跟著，便是Yahoo Blog。而這兩個平台都有間接來用的，但自從13年12月26日，Yahoo Blog執笠之後，我便繼續在Weshare Blog寫，後來，我發現有Google Blog喎，可以寫Blog的，於是，我便在Yahoo Blog未倒閉前，把整個Blog的內容「搬字過紙」的搬到Google Blog，而當時斷斷續續都有在Weshare Blog寫Blog的。

但近這幾個月開始，就發現Weshare Blog好垃圾，文章發佈後竟然和未發佈時竟然是完全唔同的！

發佈前

發佈後竟然是這樣！

所以，決定不再在Whshare Blog這個垃圾的平台寫Blog喇！

垃圾工人惡行

哩班菲律賓姐姐，令我都唔想稱呼佢地做姐姐，要叫佢地做工人囉😡😡😡😡😡

事緣和Emily在hesheeat食下午茶時，Emily話叫我陪她去維園「打卡」（餐廳在維園（銅鑼灣）附近），見反正有時間，答應陪她。誰知途經告士打道維園時，發覺成班工人把整段行人路都霸佔了，而她們的拖鞋、鞋及雜物更放在路中間，我和Emily差啲被這些物件絆倒，幾乎跌出馬路，而她們亦犯法～多人聚集（違犯限緊令）及沒有戴口罩、拉低了口罩囉😡😡😡😡😡😡真係好難忍！真不明白疫情這麼反覆仍是這個樣子！

本來，我向Emily提議話去報警，但她不想，但到最後，我都決定要報，趁佢話去打卡時，靜俏俏走到去香港中央圖書館門口打999報警，叫警察過來趕佢地走（我當跟她說我要去香港中央圖書館借洗手間啦）。

九巴服務，日日退步！

今日在粉嶺聯和墟巴士總站，等70K回家時，令我感到極之憤怒的事，從而令我知道為什麼香港一世都唔會好及一世都有隱形傳播鏈！亦終於明白為什麼市民整天都說：「九巴服務，日日退步！」

事緣在經過79K往打鼓嶺方向時（它在70K後面）時，發覺有人拉底咗個口罩。我即時向巴士司機反映，但該巴士司機竟說在巴士才勸喻！我火來了，大聲說：「巴士總站都是管理範圍，要戴口罩的！」但他居然說：「咁你去報警！我係唔會理！」

我非常之不滿，立即找其他巴士司機反映，但沒有人理我！

我極度之憤怒，大聲說：「香港之所以變成咁，都是你們所致！垃圾！成班都是垃圾！」

後來有乘客知道此事後，都話啲巴士司機唔啱！疫情雖然援和，但如果大家仍是這麼鬆懈的話，香港是一世都唔會好的！

今晚媽媽的晚餐：開年飯～蓮藕魚唇湯、髮菜蠔豉、外賣鴛鴦炒飯及盆菜

年初二，是我們吃開年飯的日子。而今年亦和去年一樣，我們都是吃盆菜。

所以，今晚媽媽的晚餐：開年飯～蓮藕魚唇湯、髮菜蠔豉、外賣鴛鴦炒飯及盆菜。

而在拿完盆菜準備截的士回家時，發生了一件激氣事，結尾時再講。

講回我激氣的事：

話說在附近的杜記訂了盆菜，準備今晚開年食，但由於該店沒有煲飯（白飯）賣，我又唔常媽媽再煲白飯，故此，便要去第二間食店買白飯（其他炒飯）。可惜，今日是新年關係，很多食店唔開或者提早收爐，所以，便一心乘巴士回家，在清河邨的富園茶餐廳買炒飯，但個盆菜好重，眼見經過馬仔記，就一於在這兒買個炒飯吧！

不過，一入去，個樓面竟然沒戴口罩！我已經準備走，但見個盆菜好重，於是便叫個鴛鴦炒飯回家。在等候的時候，我亦問樓面的人為何不戴口罩，但她扮聽唔到。外面那侍應亦沒戴好口罩（露出個鼻），同佢講但佢話唔關佢事！而店內的店員幾乎沒戴好口罩的！

最後，鴛鴦炒飯拿出來了，遞交給我的那個侍應都是沒戴好口罩😡😡😡😡😡😡😡😡火來了🔥🔥🔥🔥🔥🔥🔥🔥提醒他，請你這樣戴口罩我好驚！他反罵我：「咁驚就唔好出街！」

好！竟然是這樣，我把你這食店列入黑名單！以後都唔會來這兒食嘢！疫情已經是這樣子，但一樣一點衛生常識都沒有！是否在馬仔記變成疫店要去過都要做隔離做檢測？

又探醫生叔叔again

 自從有了糖尿病之後，每兩年便做一次糖尿病檢測，照照眼底，看看有沒有糖尿上眼及糖尿腳。

由於一早起身，及疫情（新冠肺炎）的關係，令我情緒十分崩潰，偏頭痛發作，本來食了止痛藥後，就不痛，但最後因為滴了眼藥水到致我頭暈及那個無禮的女醫生的無禮說話的關係，結果在買草菇時偏頭痛再次發作，最後又要看醫生叔叔及打針喇！

過份的網民

真不明白為何現在的網民喜歡用難聽的說話去批評明星？

最近，2018香港小姐冠軍陳曉華的第一套新劇《迷網》終於出了，我十分期待著，每晚都準時收看，欣賞她第一次的演出。

總括來說，第一次演出已經不錯了，如果可以有少少氣力（她說話有少許無氣）及發怒時惡些就更加好了。

但有些網民卻用一些很難聽的語句去批評她，又話她無資格做第二女主角！

有無搞錯啊！陳曉華都是第一次拍劇的，用不著這樣去打擊她？

過份！

題外話，每次見到陳曉華，就令我想起兩個人，一個是工藤佑采，頗為可憐的。另一個人就是跟她同名的～郭曉華，有時覺得對她不起的，希望她永遠都幸福！聽說她也做了媽媽，幸福啊！

被ok便利店激到偏頭痛發作，又去探醫生叔叔

今天早上起身有少許偏頭痛發作，放是便吃粒頭痛藥，不再痛了。

怎料，交費完後便這間OK激到偏頭痛發作～清河ok便利店垃圾！已經唔止一次，都係咁！本來我說過要罷買，但阿媽要我去交媒氣費，唯有照去，順便比多次機會，但都一樣是這樣子！話說我交費完畢，凖備走，見有個廢老，沒載好口罩站在我隔鄰，我立即跟店長說：「你看看。」那店長很惡的說：「小姐，你說什麼？」我火來，再說：「我說什麼？唔係要畫公仔畫出腸？」那店長才知，才提醒那廢佬戴返好口罩！

我交完媒氣費後立刻邊走邊罵，我說一日猛情未受控制，我都不會再來這間黑店！

罵完之後，我的偏頭痛立即發作。立即上樓拿錢看醫生叔叔打針！氣死我了😤

忍無可忍！

講返我上次話好嬲的事，就是～粉嶺圖書館的電腦資訊中心出現了一個破壞王，這個坡壞王每一次用電腦時，都把鍵盤下面的腳全拿走了，我投訴了無限次，結果是一樣，每一次來的時候，鍵盤都是沒有了一隻腳的！可惡，簡直是不知所謂，果Ｄ外判的職員又不理，向他投訴，他竟回答：「關我乜事！」

 

唔明為何無線會這樣揀相？

今日無端端在YouTube 見到余綺霞當年出殯的新聞。看後好心痛，亦有點奇怪。就是無線當年怎樣揀相？應該放張余綺霞未出事之前的照片。為何要揀一張她化療沒有了頭髮的相做新聞背景？她患癌已夠慘，出殯的新聞已經好令人不開心，究竟這是「攞景定贈慶」呢？

Hea的圖書館職員

好火！每次來上水圖書館看書，都氣得我不得了！

今日我一入去，就見到兩個女孩係度玩捉迷藏！我立刻同佢哋講話唔准係度到玩，但佢地不理，跟住我即刻同圖書館職員講，叫他立刻勸佢哋唔好係度玩，但那些館理員只是看一看，就離開現場！之後我入了自修室看電話時也聽見佢哋大叫，於是我出去看看，發現佢地仲係度玩。我好嬲，立刻跟圖書館職員理論，他竟答我：「已勸過！」不盡忠職守不但止，仲用這些答案來hea我？好火呀！前幾日係粉嶺圖書館電腦資源中心的事（這件事另外在寫）個心都係好嬲，依家嬲上加嬲呀！

我：「咁就叫勸了呀！如果係一、兩次都勸唔掂的話，就唔該請佢家長出來帶佢走！（今日係粉嶺圖書館都有這事情發生，但是保安姨姨勸過無效後就立刻叫佢地家長出來作出投訴！）拜託，呢到係圖書館，不是遊樂場呀！我入左黎咁耐佢係就吵足咁耐！無論用緊電腦或係自修室看電話時都聽見佢地的聲音！仲有個兒童圖書館，好似個墟咁！究竟你地有無心管理的！次次我黎都是這樣... .... .... ....」

我一輪咀咁好大聲咁鬧，好火呀！