獅子會音樂慈善基金有限公司舉辦116載情牽樂韻慈善音樂會

 女歌手甄采希（甄詠珊）被應邀出席「獅子會音樂慈善基金有限公司舉辦116載情牽樂韻慈善音樂會」，本身我對這些音樂會不大感興趣，而且票價好貴：票價：$988 /$888/ $688 /$488。（fansclub價全要$988）但那個Emily因為Fansclub有人報名但臨時有工作來不到所以找我陪她，幸好媽媽因為地點方便（多謝政府於今年提早東鐵延線通車，可以在海洋公園站轉一個站（表演地點為海洋公園），到金鐘才轉東鐵線回上水）才准我去。

不過，呢個Emily今次令我好嬲，第一，因為票價全部人要俾988元，但好多人（包括我）都唔會有咁多錢，所以基本上沒粉絲出席佢個星，而佢就因為佢哋唔出席而在WhatsApp裡用粗口大罵他們，完全唔理會別人感受。

第二，她在本星期中咗新冠，（快測呈陽性），以為佢唔會去，但佢又要我自己去，咁我問佢問邊個攞飛？她說找甄詠珊就可以了（但當然最後不是啦）。其實她唔來仲好，我可以中途離開。但最後她因為好返（快測呈陰性）所以都來，結果我都唔可以中途走。

第三，音樂會完了後，我便要回家，（其實在尾段已經偏頭痛發作），雖然想和甄詠珊合照，但是應該沒機會，因為她要做訪問。咁我便自己走先。不久，她打電話問我為何唔見了？我說我偏頭痛發作，佢竟然說：「乜你身體咁差？」

吓？身體差？我心諗：「你身體好好咩？你身體好就唔會中了新冠！明知自己剛剛轉陰性就應該係屋企休息而不應該去這些人群聚集的地方！」如果我今次真是中招的話，就賴你！

而媽媽都擔心我會被她傳染。其實我自己都驚架 ，所以，去食晚餐時及聽演唱會時整兩粒樂信感冒靈落肚囉。

但今次有一個新嘅體驗～第一次坐Uber！