少糖（幾乎走糖）的燉蛋

 最近媽媽血壓低，所以經常見頭暈，三姨知道此事後，便推介媽媽飲安怡原味奶，因為三姨話這款奶很有營養，有全部維他命在奶中。連患癌電療化療後的三姨丈飲咗都精神晒。

其實我都飲過一次，不過個味道就麻麻。但由於最近我買了一款叫「新紀元卵「曉」」的日本雞蛋，該蛋黃是紅色的，好好食，不過要減價才買，因為太貴了，50元一盒，60元兩盒，買一盒太貴，買兩盒，家裡的雪櫃又放不下。而今次買的原因是減價至26元，有時20元，有時28元，有時是35元，但都是我接受範圍之內。

入正題，我的營養都是唔夠，皆因我都是半個素食者，我可以唔食肉幾天都得，但唔食肉又唔得。既然這樣，不如用這款牛奶做燉蛋吧。

少糖（幾乎走糖）的燉蛋：

材料：

 蛋黃：兩隻

 糖10克（糖的份量可隨個人喜好增減，但糖尿病患者／減肥者最好就選擇落少許、代糖（我用少許稀有糖）或不落）

安怡原味高鈣低脂牛奶180毫升：一盒

做法：

先把雞黃發好。

然後鮮奶加入蛋汁，再加糖拌勻。

放入已準備好燉蛋的熱鑊內，用中至大火隔水蒸 10至20分鐘便可。