呢幾日，牙肉發炎，
係時候要食清少少啦！
所以今日又再煲粥，
簡簡單單又一餐喇！
所以，今晚自己下廚：節瓜咸鴨腎海鮮及第粥。
節瓜咸鴨腎海鮮及第粥
材料：
咸鴨腎：2個
鯇魚腩：1塊
生蠔：4隻
豬腰、豬膶：各1副
節瓜：1個
蛋：2隻
蔥：適量
熟油半湯匙
粥（可食昨日或在粥店買。）
做法：
生蠔、鯇魚腩、豬腰和豬膶洗淨後切片備用
咸鴨腎洗淨用水浸半個鐘備用
節瓜刨皮切粒備用。
用一個碗放一隻生雞蛋及蔥花，然後燒紅鑊，把油弄熱，灒上雞蛋及蔥花上。
用鑊煮粥，然後把所有材料放進粥裡大滾，然後把另一隻雞蛋打勻，灒在粥內，形成蛋花，加上胡椒粉，正！
沒有留言:
張貼留言