今晚自己下廚：雲吞麵（自己弄的魚湯做湯底）及清蒸蟹腳

昨日在林太隔離的㰙檔買了一盒鮮蝦雲吞，準備今晚配壽挑牌生麵王，所以，今日我就去街市買魚煲湯。

我本來想只買紅衫魚煲，但醒起早陣子搭埋九肚魚一起煲，湯底非常之鮮甜。又記得大埔新街市的九肚魚比較便宜（紅衫魚都要在祥華街市買，因為貪佢有八達通卡拍）。

誰知買九肚魚時，見到有蟹腳賣（30元一碟），啱晒喇，好久無食過清蒸蟹腳，一於買碟吧。

所以，今晚自己下廚：雲吞麵（自己弄的魚湯做湯底）及清蒸蟹腳。

清蒸蟹腳：

材料：

蟹腳一碟

做法：

蟹腳買回來後，用水清洗乾淨。

放入已準備好的熱鑊內，用中至大火隔水蒸 至30分鐘便可。

雲吞麵（自己弄的魚湯做湯底）：

材料：

鮮蝦雲吞：一包

壽挑牌生麵王：一個（走味粉）

魚湯湯底：適量

做法：（雲吞麵）

鮮蝦雲吞灼熟至浮在水面備用。

生麵用碗盛著，好似淥杯麵般，焗至淋身，淋（我唔會焗太淋），撈起，備用。

做法：（魚湯湯底）

紅衫魚、九肚魚洗淨，抹乾備用。

鍋下油，用中火預熱約4分鐘。下紅衫魚及九肚魚，每面煎約3分鐘至金黃。如不夠金黃可再反轉多煎1-2分鐘。
注入滾水至六成滿。加入節瓜煮滾起後蓋上鍋蓋，轉小火煲10分鐘。可以的用少許鹽調味。
碗生麵放進碗中，加湯，然後把雲吞放在麵中，即成。